|
DISTRICT HANDLOOM FAIR SAIHA AH NEIH A NI |
|
|
|
|
Written by F.Lalfakzuala, IPRO Saiha
|
|
Tuesday, 09 February 2010 |
|
Ni thum awh tur District Handloom Fair, MAHCO leh Development Commissioner for Handlooms, Ministry of Textiles, Govt. of India te tangkawpa buatsaih chu vawiin chawhnu dar 1 khan Saiha D.C.'s Conference Hall ah Adfdl.D.C. Pu Thangchem Zathanga'n a hawng. Hawnna inkhawm hi Pu John Saikhuma, Gen. Manager, DIC, Saiha chuan a kaihruai a, MAHCO Manager Pu K.Rothawmliana chuan Handloom Fair hi Saihaa vawi 5 an neihna a nih thu sawiin MAHCO hnuaiah member 200 an awm mek thu te a tarlang a, he Fair ah hian mi 22 lo telin an zingah Handicrafts pakhat leh Pickle siamtu pakhat an lo tel theih thu a sawi lang bawk.
Khuallian Pu Thangchem Zathang chuan kum 1977-a a din tirh lai atanga MAHCO chuan hma nasa taka a sawn tawh thu sawiin tunah chuan an hnuaia sum leng vel pawh cheng nuai za lai a tlin tawh thu te a tarlang a. An thawhrimna azarah Mizo ten incheina kan neih that tawh thu te sawiin an hlawhtlinna zar kan zo mek a ni, a ti. Saihaa Fair an buatsaih thei chu lawmthu sawiin an kal zelna turah hlawhtlinna an chan chhoh zel theih nan duhsakna a hlan bawk a ni.
|
