|
PI SONIA GANDHI AIZAWL-AH |
|
|
|
|
Written by Mina Zoliani, IPRO
|
|
Wednesday, 03 March 2010 |
|
Mualpui-a Rajiv Gandhi Sports Stadium lungphum phum tura UPA Chairperson Pi Sonia Gandhi Aizawl lo kal tur chungchanga inbuatsaihna kal mek sawihovin vawiin khan Chief Secretary Pu Vanhela Pachuau hovin Mizoram sorkara police leh a kaihhnawih department hrang hrang hotute bakah SPG officials te nen CS Conference Hall-ah meeting neih a ni.
UPA Chairperson Pi Sonia Gandhi chuan a pasal, India Prime Minister hlui, Pu Rajiv Gandhi hming chawia amah hriatrengna tur Sports Complex lungphum phum turin March ni 6, 2010 (Inrinni) khian Aizawl Lengpui Airport-ah a tum dawn a. Chuta tang chuan venhimna uluk tak hnuaiah Mualpui Ground-ah hruai a ni ang. Lungphum phumna tur hmun pawh tukin zing khan thlanfel a ni tawh nghe nghe a ni. Pi Sonia hi hemi ni vek hian Aizawl-ah cham lovin a haw leh nghal dawn a ni.
|
